Саха сирин Бырабыыталыстыбатын бэрэссэдээтэлэ Кирилл Бычков Росреестр 15 сылыгар анаммыт үөрүүлээх тэрээһиҥҥэ кытынна.
Эрэгийиэн салалтатын уонна тус бэйэтин аатыттан Кирилл Бычков Судаарыстыбаннай регистрация, кадастр уонна картография федеральнай сулууспатын Саха Өрөспүүбүлүкэтигэр управлениетын үлэһиттэрин уонна бэтэрээннэрин истиҥник эҕэрдэлээтэ.
“Ааспыт сылларга эһиги сулууспаҕыт эрэгийиэммит баайын-дуолун салайыы ситимин сорҕотунан буолла. Эһиги идэҕитигэр үрдүк бэриниилээххит хамсаабат баайы-дуолу сүрүннээһин эйгэтигэр дьоһун ситиһиилэргэ сирдээтэ, онон өрөспүүбүлүкэ экэниэмикэтин туруктаах сайдыытын хааччыйда”, — диэн бэлиэтээтэ Кирилл Евгеньевич.
Кини Росреестр үлэһиттэрин кадастр тиһигин сайдыытыгар дьоһун кылааттарын, сир учаастактарын, хамсаабат баай-дуол эбийиэктэрин уонна айылҕа баайын учуотун көдьүүстээхтик ыыппыттарын бэлиэтээтэ.
“Бу бэлиэ күҥҥэ саҥа ситиһиилэри, саҥа сыалларга уонна соруктарга дьулуһууну баҕарабын. Эһиги кэлэктиипкитин кэлэн иһэр Саҥа дьылынан эҕэрдэлиибин! Саргылаах Саҥа дьыл эһиэхэ уонна чугас дьоҥҥутугар чэгиэн доруобуйаны, дьолу-соргуну, ситиһиилэри аҕаллын!”, — диэтэ Кирилл Бычков.
Росреестр биирдиилээн дьоҥҥо, биисинэскэ, былаас уорганнарыгар уонна олохтоох салайыныы уорганнарыгар хамсаабат баай-дуол быраабын регистрациялааһын эйгэтигэр уонна кадастр учуотугар судаарыстыба кэлимсэ өҥөлөрүн оҥорор. Маны тэҥэ хамсаабат баай-дуол биир кэлим судаарыстыбаннай реестригэр (ЕГРН) баар сибидиэнньэлэри биэрэр уо.д.а өҥөлөрү оҥорор.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: Мария Васильева, СИА
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…