Кирилл Бычков: «Саха сирэ  социальнай-экэнэмиичэскэй сайдыы көрдөрүүлэринэн инники иһэр»

Өрөспүүбүлүкэ премьер-миниистирэ Кирилл Бычков СӨ Бырабыыталыстыбатын түмүк отчуотугар иһитиннэрбитинэн, Саха сирин социальнай-экэнэмиичэскэй сайдыыта  үрдүк таһымнаах, үгүс көрдөрүүгэ  Уһук Илиҥҥэ инники иһэр.

«Биһиги Уһук Илиҥҥэ төрөөһүн уонна нэһилиэнньэ ахсаана элбээһининэн, бырамыысыланнас уонна тутуу  көрдөрүүтэ үрдээһининэн, олорор дьиэни үлэҕэ киллэриинэн уонна да атын көрдөрүүлэринэн инники иһэбит”, — диэтэ Кирилл  Бычков.

Бырабыыталыстыба бэрэссэдээтэлэ Саха сирэ экэниэмикэҕэ, оҥорон таһаарыыга уонна бырамыысыланнаска кыаҕа улаатарын бэлиэтээтэ. Бырабыыталыстыба отчуоттарын кэмигэр нэһилиэнньэ  олох хаачыстыбата тупсарын бэлиэтээбитэ. Ол  үксэ Саха сирэ сайдарыгар туруктаах уонна эрэллээх тирэҕи уурбут национальнай бырайыактар көмөлөрүнэн ситиһилиннэ.

«Ааспыт сыл норуоттар икки ардыларынааҕа таһымнаах тэрээһиннэринэн баай буолбута. 24 дойду кыттыылаах “Азия оҕолоро” успуорт оонньуулара буолбуттара. Биһиги аан дойду таһымнаах аренаҕа бэйэбит миэстэбитин бигэтик булбуппут”, — диэн бырабыыталыстыба бэрэссэдээтэлэ бэлиэтээн эттэ.