Хаартыска: А.Сорокин (СИА)
Саха сирин бырабыыталыстыбатын бэрэссэдээтэлэ Кирилл Бычков кулун тутар 14 күнүгэр Гражданскай пуорум-2024 пленарнай мунньаҕар кытынна.
Кини бэлиэтээн эппитинэн, Саха сирэ өйөнүллүбүт сайаапкалар ахсааннарынан уонна Бэрэсидьиэн гранын пуондатын куонкуруһугар бэриллибит үп сууматынан Уһук Илин уокуругун субъектарын ортотугар инники кэккэҕэ сылдьар.
«Бу биһиги уопсай күүспүтүн билинии эрэ буолбатах, ону таһынан Арассыыйа бэрэсидьиэнэ уонна судаарыстыба кэмиэрчэскэйэ суох секторга убаастабыллара уонна өйөбүллэрэ үрдүк таһымнааҕын көрдөрөр”, — диэтэ премьер.
Саха сирин бырабыыталыстыбатын бэрэссэдээтэлин этиитинэн, Ил Дархан Айсен Николаев көхтөөх өйөбүлүнэн уонна Бэрэсидьиэн граннарын пуондатын хос өйөбүлүнэн, Саха сирин былаастара социальнай туругу бөҕөргөтүүгэ хайысхаламмыт гражданскай көҕүлээһиннэри өйөөһүн кээмэйин биллэ элбэтэри ситистилэр.
«Кэнники 4 сылга гражданскай уопсастыба сайдыытын көҕүлүүргэ анаммыт СӨ Ил Дарханын гранын куонкуруһугар 1517 сайаапка киирдэ. Итинтэн 292 бырайыак 372,7 мөлүйүөн суумалаах өйөбүлү ылла», – диэн Саха сирин миниистирдэрин кэбиниэтин баһылыга иһитиннэрдэ.
Ону таһынан гражданскай уопсастыба институттарын сайдыытыгар Гражданскай пуорум кыттыылаахтарын бэриниилэрэ кэлэр кэскилбитин түстүүрүн бэлиэтээтэ.
Гражданскай пуорум бары тэрээһиннэригэр Саха сирин бары улуустарыттан 500-тэн тахса актыбыыс кытына. Өрөспүүбүлүкэҕэ барыта 1 тыһыынчаттан тахса социальнай хайысхалаах кэмиэрчэскэйэ суох тэрилтэ уонна уопсастыбаннай бэйэни салайыныы (ТОС) бааллар.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…