Хаартыска: sakha.gov.ru ылылынна
СӨ Бырабыыталыстыбатын Бэрэссэдээтэлэ Кирилл Бычков волонтердары — Сусанна уонна Иван Гоголевтары кытта көрүстэ, махтал суруктары туттарда.
Бэйэлэрин баҕаларынан көмөлөһөөччүлэр Хабаровскайга үлэлииллэрин бэлиэтээтэ. Тэрээһиҥҥэ СӨ Ил Дарханын уонна Бырабыыталыстыбатын дьаһалтатын салайааччы Георгий Михайлов кытынна. Кини байыаннай дьайыы кыттыылаахтарын өйүүр үлэҕэ волонтердар — үтүө түсчүттэр көмөлөрүн бэлиэтээтэ уонна күн ахсын тохтоло суох үлэлэрин иһин махтанна.
Кирилл Бычков Сусанна уонна Иван Гоголевтар байыаннай дьайыы кыттыылаахтарыгар көмөлөспүттэрэ ырааппытын эттэ. Кинилэр бааһырбыт байыастарга тырааныспар боппуруоһун быһаарыыттан, госпиталларга докумуоннарын, ыспыраапкаларын оҥотторууга, быраап өттүнэн өйөбүлү оҥорорго тиийэ көмөлөһөллөр. Бырабыыталыстыба Бэрэссэдээтэлэ кинилэр кыттыыларынан байыаннай сулууспалаахтар наадалаах көмөнү ылалларын, өрөспүүбүлүкэ өттүттэн өйөбүл баарын билэллэрин бэлиэтээтэ.
—Бу биһиги уолаттарбыт интэриэстэрин көмүскүүр, ханнык да түгэҥҥэ көмөлөһөр, ис сүрэхтэриттэн кыһамньыларын уурар дьон. Кинилэр көмөҕө кэлэргэ бэлэмнэрин иһин ытыктыыбыт. Кинилэр дьиҥнээх патриоттар, холобур буолаллар, — диир Кирилл Бычков.
СӨ Бырабыыталыстыбатын аатыттан Кирилл Бычков волонтердарга сыралаах үлэлэрин, дьыалаларыгар, Ийэ дойдуга бэриниилэрин иһин махтанна. Кини хас биирдии киһи инники күөҥҥэ сылдьар байыаска өйөбүлэ чахчы улахан суолталааҕын бэлиэтээтэ.
Санатан эттэххэ, 2025 сыл саҕаланыаҕыттан эрэгийиэннээҕи тырааныспар хампаанньаларын өйөбүлүнэн инники кирбиигэ 4 тыһ. кэриҥэ пилота суох көтөр аппараат, 3,5 тыһ. тахса тепловизор уонна түүн хараҥаҕа көрөргө аналлаах тэриллэр, 4 тыһ. курдук сибээс сириэстибэлэрэ уо.д.а. наадалаахтар ыытыллыбыттара.
Сиһилии: https://www.sakha.gov.ru/news/8312
СӨ Ил Дарханын уонна Бырабыыталыстыбатын пресс-сулууспата
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…