Саха Өрөспүүбүлүкэтин бырабыыталыстыбатын бэрэссэдээтэлин солбуйааччы Кирилл Бычков үлэһит-дьахталлар Бүтүн Саха сиринээҕи I сийиэстэрин 100 сылыгар аналлаах үөрүүлээх мунньахха кытынна.
Премьер-миниистир Саха сирин дьахталларын бу кэрэ-бэлиэ күнүнэн уонна кулун тутар 8 күнүнээҕи дьахталлар бырааһынньыктарынан эҕэрдэлээтэ. Кини 1925 сыллаахха буолбут үлэһит дьахталлар бастакы сийиэстэригор дьахталлар уопсастыбаҕа уонна дьиэ кэргэттэргэ балаһыанньаларын тупсарыыга, кинилэр доруобуйаларын харыстабылыгар, дьахталлар үлэлэрин элбэтиигэ дьоһун суолталаах быһаарыылар ылыллыбыттарын бэлиэтээтэ.
«Билигин, бастакы сийиэс кэнниттэн биһиги уопсастыбабытыгар дьахтар оруола өссө улахан суолталанна. Эһиги үүнэр көлүөнэни иитиигэ эрэ буолбакка¸социальнай эйгэ уонна экэниэмикэ сайдыытыгар кыттаҕыт, өрөспүүбүлүкэҕэ улахан дуоһунастарга үлэлиигит. Дьиэ кэргэттэргитигэр кылааккыт эмиэ тугунан да сыаналаммат, улахан ытыктабылынан туһанаҕыт. Мин бу сүүс сыл устата өрөспүүбүлүкэ экэниэмикэтигэр уонна олоҕор буолбут улахан уларыйыыларга кыттыбыт дьахталларга барыларыгар махтал тылларбын этэбин уонна Саха сирин, дойду нус-хас олоҕун туһугар үлэлиир-хамсыыр кэрэ аҥаардарга барыгытыгар дьахтар улахан дьолун баҕарабын”, — диэтэ Кирилл Бычков уонна өрөспүүбүлүкэ итиэннэ дойду судаарыстыбаннай наҕараадаларын туттарда.
Судаарыстыбаннай Махтал суруктарынан урбаанньыт, СӨ Уопсастыбаннай балаататын чилиэнэ Оксана Архипова, буойуннар “Харысхал» дьиэ кэмитиэттэрин волонтера Дария Григорьева, Саха сирин Үлэҕэ министиэристибэтин “Кыайыы” социальнай көмүскэл ресурснай киинин сүрүн исписэлииһэ Яна Никитина, “Берегиня” киин сэбиэдиссэйэ Антонина Сивцева наҕараадаланнылар.
“Гражданскай килбиэн” бэлиэнэн ХИФУ мэдиссиинэ институтун кафедратын сэбиэдиссэйэ Дарима Гармаева уонна Нам 1 №-дээх орто оскуолатын начаалынай кылааһын учуутала Марианна Рожина бэлиэтэннилэр.
Саха сирин элбэх оҕолоох ийэлэрэ “Ийэҕэ албан аат” II уонна III истиэпэннээх бэлиэнэн наҕараадаланнылар. Бу күн өрөспүүбүлүкэ үрдүк наҕараадатын элбэх оҕолоох 24 ийэ ылла. Кирилл Бычков былырыын алтынньыга онус оҕолорун төрөппүт Нам улууһун Анастасия уонна Николай Сивцевтэр дьиэ кэргэттэрэ тырааныспар атыылаһалларыгар биир кэмнээх харчынан төлөбүрдээх сэртипикээти туттарда.
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…