Хаартыска:sakha.gov.ru
Саха сирин Бырабыыталыстыбатын бэрэссэдээтэлэ Кирилл Бычков бүгүн, от ыйын 9 күнүгэр, Саха сирин Үп министиэристибэтин кэлэктиибигэр Ил Дархан ыйааҕынан анаммыт саҥа салайааччыны, Үп миниистирин эбээһинэһин толорооччу Иван Алексеевы билиһиннэрдэ.
Кирилл Бычков Саха сирин Үп министиринэн үтүө суобастаахтык, эҥкилэ суох бэриниилээхтик 12 сыл устата үлэлээбит Валерий Жондоровка махтанна.
«Министиэристибэ иһинэн үп-харчы эйгэтин үгүс үрдүкү кылаастаах исписэлиистэрэ үүммүттэрэ. Иван Иванович Алексеев эрэгийиэннээҕи үп министиэристибэтигэр өр сыллар устата үлэлээбитэ. Кини биэдэмистибэни сатабыллаахтык уонна профессиональнайдык салайыаҕа, бары уустук соруктары, ол иһигэр бүддьүөт дохуоттаах чааһын толорууга сөптөөх быһаарыылары ылыныаҕа диэн эрэнэбин», — диэтэ Кирилл Бычков.
Иван Алексеев Ил Дархаҥҥа уонна Бырабыыталыстыбаҕа үрдүк итэҕэллэрин иһин махтанна уонна үп- харчы өттүнэн туруктаах буолуутун хааччыйыыга үлэ салгыы барарын бэлиэтээтэ.
«Бу биһиги иннибитигэр турар биир сүрүн сорукпут», — диэтэ Иван Алексеев. «Министиэристибэ кэлэктиибэ биэдэмистибэ салгыы ситиһиилээхтик үлэлииригэр тирэх буолуоҕа дии саныыбыт», — диэтэ Саха сирин Бырабыыталыстыбатын солбуйааччыта.
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…