Хаартыска sakha.gov.ru ылылынна
СӨ бырабыыталыстыбатын бэрэссэдээтэлэ Кирилл Бычков бэрэсидьиэн быыбарын түмүгүн туһунан санаатын үллэһиннэ. Арассыыйа Киин быыбардыыр хамыыһыйатын дааннайынан, бүлэтиэннэри 100% ааҕыы түмүгэр, Владимир Путин быыбардааччылар 87,79% куоластарын ылбыта билиннэ.
— Дойду аҕа баһылыгын дуоһунаһыгар Владимир Владимирович саҥа болдьоххо хос талыллыыта — Арассыыйа олохтоохторун толору итэҕэллэрин туоһулуур уонна кини аан дойдутааҕы бэлиитикэҕэ лиидэр буоларын мэктиэлиир, — диэн Кирилл Бычков эттэ.
Быыбар күннэригэр норуот патриотизмын, биир ньыгыл буолуутун уонна гражданскай позициятын көрдөрдө.
— Владимир Путин үлэтин сүрүн хайысхатынан өр сыллаах социальнай бырагыраамалары үлэлэтии, баараҕай уларытыылары киллэрии буолар. Бу бырагыраамалар дьон олоҕун тупсараллар, бары эрэгийиэннэр сайдалларыгар көмөлөөхтөр. Уһук Илин эрэгийиэннэригэр быыбар үрдүк тэрээһиннээхтик ыытылынна. Саха сиригэр биир да быыбардыыр учаастакка сокуону кэһии тахсыбата, — диэн премьер-миниистир эттэ.
Арассыыйа аныгы устуоруйатыгар бу бэрэсидьиэн быыбара саамай маассабай буолла. Уһук Илиҥҥэ быыбарга кыттыы 73,7% тэҥнэстэ. 2018 сылга 67,54% этэ. Оттон 2024 сылга Уһук Илин олохтоохторо бэрэсидьиэни 86,6% өйөөтүлэр (2018 сылга – 67,78%). Саха сирэ Уһук Илин биэс бастыҥ көрдөрүүлээх эрэгиийэннэрин истэригэр киирдэ. Бэрэсидьиэни 87,79 % быыбардааччы өйөөтө.
Ил Дархан, бырабыыталыстыба дьаһалтатын пресс-сулууспата.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…