Хаартыска sakha.gov.ru ылылынна
Саха сирэ ДНӨ Кировскай куоратыгар 46 эбийиэги чөлүгэр түһэриэ.
2024 сылга тутуллуохтаах, чөлүгэр түһэриллиэхтээх эбийиэктэр испииһэктэрэ бигэргэтиллибит.
«Кэлэр сылга былааннар оҥоһулуннулар. Туруоруллубут соруктар болдьоммут кэмнэригэр хаачыстыбалаахтык толоруллалларын туһугар бары кыһамньыбытын ууруохпут«, — диэн этэн турар СӨ Ил Дархана Айсен Николаев.
Испииһэгинэн Кировскай куоракка 46 эбийиэк чөлүгэр түһэриллиэхтээх, ол иһигэр ОДьКХ эйгэтигэр 14 эбийиэк.
Кировскай куорат дьаһалтатын баһылыга Васил Шергелавшили бэлиэтээбитинэн, 2024 сылга чөлүгэр түһэрии үлэтин бырагырааматыгар уу ситимин саҥардыы, уот-күөс ситимнэрин, суолу-ииһи, элбэх кыбартыыралаах аҕыс дьиэни уонна икки социальнай эбийиэги — 16 №-дээх дьааһыла-саады уонна Кировскай музыкаҕа оскуолатын өрөмүөннээһин киллэриллибиттэр.
Саха Өрөспүүбүлүкэтэ уонна ДНӨ Кировскай куоратын дьаһалтата сөбүлэһии түһэрсэннэр, Кировскайга чөлүгэр түһэрии үлэлэрэ 2022 сыллаахха ыам ыйыттан саҕаламмыттара. Бу кэм устатыгар куоракка 52 эбийиэк чөлүгэр түһэриллибитэ. Улахан болҕомто бастатан туран оскуолаларга ууруллубута. Элбэх хайысханы толорор киин (МФЦ) уонна ИТ-кииннэр арыллыбыттара. Саха сирин өрөспүүбүлүкэтээҕи офтальмологическай килиниичэскэй балыыһатын филиала үлэлиир. Саха сирин кытта доҕордуу сыһыаны бигэргэтэр национальнай бэлиэ — сэргэ туруоруллубут «Победа» паарката тупсарыллыбыта.
Санатан эттэххэ, 2022 сыллаахха ахсынньы 22 күнүгэр, Айсен Николаев уонна Денис Пушилин научнай-тэхиньиичэскэй, эргиэн-экэнэмиичэскэй, социальнай, култуурунай уо.д.а. хайысхаларга Саха Өрөспүүбүлүкэтэ уонна ДНӨ бииргэ үлэлэһэргэ сөбүлэһиигэ илии баттаабыттара.
Сиһилии https://www.sakha.gov.ru/news/front/view/id/3383164 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
Хаартыскалар sakha.gov.ru ылылыннылар.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…