Хаартыска: СӨ Ил Дарханын, бырабыыталыстыбатын пресс-сулууспата
Саха сирин Биир кэлим сүрүннүүр киинин бэрэстэбиитэллэрэ Донецкай Норуодунай Өрөспүүбүлүкэ бырабыыталыстыбатын бэрэссэдээтэлин бастакы солбуйааччы Евгений Солнцевы кытары көрүстүлэр.
Ол туһунан Өрөспүүбүлүкэ нэһилиэнньэтин олоҕор-дьаһаҕар куттал суох буолуутун хааччыйыыга судаарыстыбаннай кэмитиэт бэрэссэдээтэлэ Дмитрий Лепчиков иһитиннэрдэ.
«ДНР бастакы вице-премьерэ Евгений Солнцев кэпсэтиини саҕалыырыгар былырыын Кировскай куоракка Саха сирин исписэлиистэрин үлэлэрин түмүгүн үрдүктүк сыаналаата”, — диэтэ Дмитрий Лепчиков.
Өрүттэр 2023-2025 сылларга Кировскай куоракка чөлүгэр түһэрэр-өрөмүөннүүр үлэлэр былааннарын көрдүлэр.
Дмитрий Лепчиков эппитинэн, ураты болҕомто 2022 сыллаахха Саха сирин инженердэрэ Кировскай куораты уунан хааччыйарга “Донбасс комсомолеһа” шахта уутун суотугар оҥорбут уу ситимин туһаныыга уурулунна.
Өрөспүүбүлүкэ исписэлиистэрэ быйыл куорат пааркатын сороҕун саҥардыыга үлэлиэхтэрэ, 6 тыһыынча миэтэрэ курдук ис сырдатыы линиятын тардыахтара, элбэх кыбартыыралаах 14 олорор дьиэни уонна уопсай дьиэни олохтоохтук өрөмүөннүөхтэрэ. Дьиэ-уот, коммунальнай хаһаайыстыба систиэмэтин модернизациялааһын салҕаныаҕа. Үс хочуолунайы уонна сылааһы биэрэр 3 пууну, уотунан хааччыйар 5 эбийиэги, уу барар уонна канализация 6 тутуутун өрөмүөннүөхтэрэ. Ону сэргэ, оҕо 4 уһуйаанын өрөмүөннээһин уонна куорат балыыһатыгар өрөмүөн үлэтин түмүктээһин былааннанар. Куорат уонна кыбартааллар иһинээҕи суоллары олохтоохтук өрөмүөннүүргэ улахан болҕомто ууруллуоҕа. Кировскайга 24 тыһыынча квадратнай миэтэрэ курдук уопсай иэннээх уулуссалар чөлүгэр түһэриллиэхтэрэ.
СӨ Ил Дарханын уонна бырабыыталыстыбатын пресс-сулууспатын матырыйаалынан
Владимир Путин Кытайга сырыытын кэмигэр 2024 сылга Арассыыйаҕа былааннаммыт күрэхтэһиилэригэр, ол иһигэр «Азия оҕолоро» норуоттар…
Горнай кырачааннара аан дойду «Деталька-2024» үөрэтэр робототехникаҕа уонна цифровой технологияларга норуоттар икки ардыларынааҕы күрэхтэһии буолан…
“Үөрэхтээһин” национальнай бырайыак “Үөрэх сыыппараҕа эйгэтэ” федеральнай бырагыраама чэрчитинэн “Айар Уустар” креативнай индустрия кэллиэһэ күүстээх…
Саха сиригэр анал байыаннай дьайыы кыттыылаахтарыгар араас хайысхалаах өйөбүл оҥоһуллар. Дьокуускай куорат дьаһалтата 2023 сыл…
Саха сирин бастакы вице-премьера Дмитрий Садовников Баайга-дуолга уонна сир сыһыаннаһыыларыгар миниистир бастакы солбуйааччытынан анаммыт Светлана…
Саха сирин баһылыга Айсен Николаев сорудаҕынан, Инбэлииттэри кэлимник реабилитациялыыр өрөспүүбүлүкэтээҕи социальнай-чэбдигирдэр кииҥҥэ анал байыаннай дьайыы…