Горнай улууһугар нэһилиэктэр аайы оттооһуҥҥа штабтар тэриллибиттэрэ. Ол эмиэ тэрээһиҥҥэ көмөлөөҕө чахчы.
Кировскай нэһилиэгэ быйыл сайын 1825 т оту соҕотуопкалыыр былааннаах. Бүгүҥҥү туругунан, отчуттар 1441 туоннаны кэбистилэр. Ол аата былааннарын 85 бырыһыанын хайыы үйэ толорбуттар.
— Бастаан, кырдьык, ардаабытыгар сыл тахсар оппутун булуммат буоллубут диэн киһи барыта долгуйбута. Хата, онтон халлааммыт туран биэрэн, оттооһун тэтимнээхтик барда. Үгүс моой отчуттар оттуур сирдэрин бүтэрдилэр. Биирдиилээн улахан хаһаайыстыбалар оттуу сылдьаллар. Нэһилиэкпитигэр өссө түөрт мобильнай биригээдэлээхпит. Биир биригээдэ 100 т оту чөкөттө. Онон быйыл кыстыкпытын этэҥҥэ туоруурга эрэх-турах буоллубут, атыыга да от тахсара буолуо дии саныыбын. От үрэххэ сорох сирдэр ууга сытар этилэр, онтон кураан күн-дьыл туран, уута тардан, онно оттуу сылдьаллар, — диэн иһитиннэрдэ Кировскай нэһилиэгин тыа хаһаайыстыбатын исписэлииһэ Станислав Яковлевич Андреев.
Онон кировскайдар курдук тэтимнээхтик оттооҥ!
Хаартысканы: С.Андреев ыытта
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…
Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…
Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…
Шахтер күнүн Нерюнгригэ бэлиэтиир күҥҥэ СӨ Ил Дархана Айсен Николаев өрөспүүбүлүкэҕэ чоҕу хостуур бырамыысыланнаһын бэтэрээннэрин…
СӨ салалтатын уонна тус бэйэм ааппыттан эһигини Шахтер күнүнэн ис сүрэхпиттэн эҕэрдэлиибин! Бу күн биһиги…
РФ Социальнай пуондатын 2025 сыллааҕы дааннайдарынан, куоракка олорор дойду олохтоохторун орто биэнсийэлэрин кээмэйэ тыа сирин…