«Донецкай Норуодунай Өрөспүүбүлүкэ Кировскай куоратыгар Саха сириттэн биһиги исписэлиистэрбит: Мииринэйдээҕи ПСО-тан Юлия Витальевна уонна Өрөспүүбүлүкэтээҕи 2 №-дээх балыыһаттан Филипп Андреевич Харлампьев үлэлииллэр.
Юлия Витальевна иһитиннэрбитинэн, ыарыһахтар олус элбэхтэр. Кировскайга, арыый сымнаҕастык эттэххэ, мэдиссиинэлэрэ Арассыыйаҕа тэҥнээтэххэ, таһыма кыра. Бүтүн куоракка биир да көмпүүтэр томограба да, МРТ да суох. Инсульт диагноһын, ааспыт үйэҕэ курдук, мэдиссиинискэй өтүйэ уҥуоҕунан билгэлээн туруораллар. Ол да буоллар, биһиги быраастарбыт хара сарсыардаттан киэһэ хойукка диэри үлэлииллэр, олус элбэх эмтэнээччини көрдүлэр.
Эмтэнээччилэр биһиги быраастарбытыгар үтүө санаанан сыһыаннаһаллар, уонна, биллэн турар, неврологтарга, кардиологтарга наадыйыы олус улахан».
Маннык иһитиннэриини бүгүн М.К.Аммосов аатынан Мэдиссиинэ институтун неврологияҕа уонна психиатрияҕа кафедратын сэбиэдиссэйэ, мэдиссиинискэй наука доктора, үрдүк категориялаах невролог-быраас, СӨ Доруобуйа харыстабылын министиэристибэтин неврологияҕа штаты таһынан кылаабынай исписэлииһэ Татьяна Яковлевна Николаева быһа эпииргэ оҥордо.
Инсулу утары охсуһууга Бүтүн аан дойдутааҕы күнү көрсө ыытыллыбыт быһа эпиир өрөспүүбүлүкэ Ил Дарханын уонна бырабыыталыстыбатын дьаһалтатын официальнай страницатыгар уонна «ВКонтакте» ситимҥэ буолла.
Татьяна Яковлевна ону таһынан инсульт ыарыыны сэрэтии уонна эмтээһин туһунан кэпсээтэ, нэһилиэнньэ ыйытыыларыгар сиһилии хоруйдаата.
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…
Бүгүн, муус устар 19 күнүгэр, сарсыарда Уус Алдан улууһун Балыктаах сэлиэнньэтигэр Васильев уулуссатыгар дьиэ умайа…
П.Чайковскай аатырбыт муусукатыгар «Щелкунчик» балеты дьиэ кэргэнинэн сөбүлээн көрөллөр. Оҕолор бу остуоруйа судургу сюжетын ордороллор.…