Киин арыллыыта үөрүүлээх быһыыга-майгыга Илиҥҥи экэнэмиичэскэй пуорум кэмигэр буолбута.
«Үлэ үтүө түмүктэрин көрөр олус үчүгэй, манна оҕолор астына дьарыктаналлар, үрдүк технология эйгэтигэр бастакы хардыыларын оҥороллор. Оҕолору кытта кэпсэттим, олус астыммыттар, бэйэлэрин үлэлэрин көрдөрдүлэр. Маны сэргэ, ИT-кииҥҥэ баҕалаахтар үөрэх куурустарын ааһыахтарын уонна технологическай стартаптары тэрийиигэ көмө ылыахтарын сөп», — диэн бэйэтин ТГ-ханаалыгар Айсен Николаев суруйбут.
«ДНӨ Аҕа баһылыгын Денис Владимирович Пушилинныын саха сэргэтин туруорууга кыттыыны ыллыбыт. Бары сиэри-туому тутуһан алгыс оҥоһулунна, үрдүкү күүстэртэн кыайыыны, эйэни, бары үтүөнү көрдөстүбүт», — диир Айсен Николаев
Айсен Николаев этэринэн, бу кэм устата Кировскай куорат олохтоохторо биһиэхэ олус чугас буолбуттар. «Саха сэргэтэ доҕордоһуубут бэлиэтинэн, сомоҕолоһуутунан буоллун!», — диэн этэр Айсен Николаев.
Кировскай куораты сөргүтүү үлэтэ биһиги өрөспүүбүлүкэбит уонна ДНӨ кытта сөбүлэҥ түһэрсии чэрчитинэн, былырыын ыам ыйыттан саҕаламмыта. Бу кэм устата куорат инфраструктуратын 52 эбийиэгэ сөргүтүллүбүтэ. Ону таһынан хас да оскуола, балыыһа, элбэх кыбартыыралаах дьиэлэр. Хас даҕаны уулусса, куорат паарката өрөмүөннэммитэ.
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…
Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан Ил Дархан Айсен Николаевы кытта…
Дьокуускайга ПСБ баан Саха Өрөспүүбүлүкэтигэр аан бастаан ыытыллыбыт “ЭтноРан.ЯКУТИЯ 2025” спортивнай-култуурунай сүүрүүнү өйөөн, тэрээһин анал…
ЫБММ пресс-сулууспата иһитиннэрбитинэн, балаҕан ыйын 17 күнүгэр түүн 02:13 ч. баһаарынай-быыһыыр сулууспаҕа Горнай улууһугар Аһыма…
Бүгүн, балаҕан ыйын 18 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…