Сэтинньи 11 күнүгэр Ил Дархан Айсен Николаев Кировскай куораты чөлүгэр түһэриигэ үлэлээбит оробуочай бөлөххө Денис Пушилин илии баттааһыннаах Донецкай Норуодунай Өрөспүүбүлүкэ судаарыстыбаннай наҕараадаларын туттарда.
— Аҕыс сыл устата байыаннай балаһыанньаҕа, буомбалааһыҥҥа олорбут дьон эһиги көмөҕүтүнэн Арассыыйаҕа олороллорун дьэ, итэҕэйдилэр. Кылгас кэм иһигэр оробуочай бөлөх 30-тан тахса эбийиэги чөлүгэр түһэрдэ уонна эһиилгигэ үлэ торумнарын оҥордо. Онон кэлэр сылга Кировскайга үлэ эмиэ салҕаныаҕа, — диэн кини эттэ.
Кировскай куорат эрэ буолбакка, бүтүн Донецкай Өрөспүүбүлүкэ киэн туттуутунан толору чөлгө түһэриллибит 2-с №-дээх оскуола буолар. Ону тэҥэ, шахтаттан ылан, ититии уонна саппаас уунан хааччыйыы ситимнэригэр ыраастыыр тэриллээх саҥа “водоводы” сахалар туппуттарын, ол уопутун ДНӨ атын куораттарыгар эмиэ туһанар буоллулар.
«За заслуги перед Донецкой Народной Республикой III степени» бэлиэнэн РФ Бэрэсидьиэнин иһинэн СӨ бастайааннай бэрэстэбиитэлэ, СӨ Бырабыыталыстыбатын оробуочай бөлөҕүн салайааччы Андрей Федотов уонна нэһилиэнньэ куттала суох буолуутун хааччыйар судаарыстыбаннай кэмитиэт бэрэссэдээтэлэ Дмитрий Лепчиков наҕараадаланнылар.
ДНӨ Бочуотунай грамотатынан СӨ Бастайааннай бэрэстэбиитэлистибэтин управлениетын салайааччы Давид Арханы, “Сахамедиа” холдинг генеральнай дириэктэрин солбуйааччы Сулустаан Заболоцкайы, Бастайааннай бэрэстэбиитэл көмөлөһөөччүтэ Григорий Федоровы, Судаарыстыбаннай баһаары утары охсуһар сулууспа отделын начаалынньыга Геннадий Шестаковы наҕараадалаатылар.
Санатар буоллахха, СӨ Бырабыыталыстыбатын оробуочай бөлөҕө Ил Дархан сорудаҕынан ыам ыйыгар Кировскай куоракка баран, чөлүгэр түһэрии үлэтин ыыта барбыттара. Исписэлиистэр сатабылларын, үлэҕэ бэриниилээхтэрин, тэрээһиннээхтэрин көрдөрөн, кировскайдар хайҕалларын, махталларын ыллылар. Аан бастаан тиийэн баран, оҥорбут суоттара-оросчуоттара сөп буолан, үлэ харгыһа суох барбыт.
Саха сирэ билигин да ДНӨ, ЛНӨ куораттарыгар көмөлөһөр. Кировскайга биһиги исписэлиистэрбит көмөлөрүнэн социальнай тэрилтэлэргэ өрөмүөн, чөлүгэр түһэрии үлэлэрэ түмүктэннилэр. Холобур, Култуура дьиэтэ, балыыһа, үөрэх тэрилтэлэрэ, суоллар уонна уулуссалар уоттара оҥоһулуннулар.
Кировскайга 3 сыллаах чөлүгэр түһэрии үлэтэ оҥоһуллубута. Куорат маастар-былаана оҥоһулларыгар үлэ барар. Эһиил 7 оҕо саадыгар өрөмүөн ыытыллыахтаах. Олорор дьиэлэри, стадиону өрөмүөннүүргэ болҕото ууруллуо.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…