Кистэлэҥ казинону тэрийбит икки эр киһи сууттаныа

Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары холуобунай дьыаланы суукка ыытта. Бу туһунан СӨ Борокуратуурата иһитиннэрэр.

Силиэстийэ барылынан, бу сыл сыл муус устартан балаҕан ыйыгар диэри буруйданааччылар, тэриллиилээх бөлөх састаабыгар киирэн, азартнай оонньуулары ыытар тэрили атыылаһан, Алдан куорат олорорго анамматах дьиэлэриттэн биирдэстэригэр кистэлэҥ казинону тэрийбиттэр.

ИДьМ Алдан улууһун отделын үлэһиттэрэ казинону булбуттар.  Силиэстийэлиир кэмитиэт силиэстийэлээбит дьыалата сүнньүнэн көрүллэригэр суукка ыытылынна.