KitJah аан бастакы нейросетинэн оҥоһуллубут килиибин сүрэхтээтэ

Бу күннэргэ KitJah сыл анараа өттүгэр Хотугу уонна Арктика төрүт олохтоох аҕыйах ахсааннаах норуоттарыгар анаабыт «Segunder» ырыатыгар саҥа килиип сүрэхтэннэ.

«Кындыкаан» айар түмсүү хамаандата Саха сиригэр аан бастакы Stable Diffusion ComfyUI нейросетинэн оҥоһуллубут килиибы куйаар ситимигэр дьон көрүүтүгэр таһаардылар. Бу туһунан «Кындыкаан» айар түмсүү хамаандата иһитиннэрэр.

Бу иннинэ килиип билиһиннэриитэ ыам ыйын 31 күнүгэр «Сэргэлээх уоттара» култуура киинигэр Саха сиригэр креативнай нэдиэлэ сабыллыытыгар анаммыт гала-кэнсиэркэ ыытыллыбыта. Килиип муусукатын Андрей ТЕТИМ суруйда, графигын оҥорууга эдэр режиссер Петр Химки үлэлээтэ, операторынан ARS GERAS буоллулар.