Клавдия Хатылаева: “Үтүөнү эрэ кэтэһэбин”

Ю.Е.Платонов аатынан Эстрада судаарыстыбаннай тыйаатырын артыыһа, СӨ норуотун артыыһа Клавдия Хатылаева 1963 сыл муус устар 1 күнүгэр Бүлүү улууһун Үгүлээтигэр күн сирин көрбүтэ:
– 2023 сыл – мин сылым. Саҥа дьылы дьиэбитигэр көрсөрбүтүн сөбүлүүбүт. Харыйабытын эрдэттэн туруорабыт, ыалдьыттарданабыт.
Ааспыт Куруолук сыла бэрт ситиһиилээхтик ааспыта. Оҕолорбутун кытта үлэлээн, саҥа бөлөхтөрү тэрийэн, өрөспүүбүлүкэ да иһигэр, тас дойдуларга даҕаны элбэхтик айаннаан, толкуйбут барыта олоххо киирбитэ.
Кэлэр сылтан үчүгэйи эрэ кэтэһэбин. Ил-эйэ түстээн, уруккубут курдук үөрэ-көтө, доруобай олорорбут эбитэ буоллар диэн баҕалаахпын.
Куруолук сыла айар үлэбитигэр үгүс ситиһиини тосхойдор бэрт этэ. Дьоммутугар-сэргэбитигэр саҥа бырагырааманы толкуйдуу сылдьабыт. Эһиил муус устарга кэнсиэр былаанныыбыт, сэргэх көрсүһүү буолуо. Саха дьонун сиэринэн ыһыаҕы, күөххэ үктэниини кэтэһэбит. Онон улахан үлэ күүтэр.
Сообщить об опечатке
Текст, который будет отправлен нашим редакторам: