Клещ тарҕатар өссө биир кутталлаах ыарыы булуллубут

Арассыыйаҕа риккетсиозунан сутуллубут клещтар ахсаана биллэ элбээбитэ бэлиэтэннэ. Үөҥҥэ ыарыы таһыма 25%-ҥа тиийэн, боррелиоз көрдөрүүтүн (19%) куоһарда диэн миэдиктэр сэрэттилэр. Бу туһунан «Российская газета» ТГ-ханаала иһитиннэрэр.

Риккетсиозтар — риккетсия диэн ааттанар микроорганизмнартан үөскүүр сыстыганнаах ыарыылар бөлөхтөрө. Киһини клещ ытырдаҕына сыстар ыарыы.

Ыарыы сүрүн бэлиэлэрэ: эт-хаан температурата үрдүүр, тоҥорон ыалдьыы, төбө ыарыыта, тириигэ ымынах тахсыыта. Бу ыарыыттан быһыы суох, онон ыарыы ыарахан көрүҥүнэн ааһыан сөп. Ордук Арассыыйа киин оройуоннарыгар баар балаһыанньа миэдиктэри долгутар. Новосибирскай уобаласка риккетсиозка хаптарыы сэттэ түбэлтэтэ бэлиэтэннэ, олортон биирэ — киһи өлүүлээх.

Клещтан харыстанарга манныгы тутуһар сүбэлэнэр:

• — Тыаҕа, ойуурга сылдьарга көмүскэнэр таҥаһы кэтиҥ;
• — Репелленнэри туһаныҥ;
• — Эти-сиини мэлдьи көрүнэ сылдьыҥ;
• — Клещ үөнү буллаххытына бырааска тутатына көрдөрүнүҥ;
• — Ыарыы бэлиэлэрэ билиннэҕинэ, бэйэни эмтэнэ сатаамаҥ.

Ыарыы ыарахан көрүҥүнэн ааһыан уонна ыарахан содулларга тиэрдиэн сөбүнэн, бу балаһыанньаҕа улахан болҕомтону уурар ирдэнэр диэн исписэлиистэр сэрэтэллэр.