Клещкэ ытыртарбыт оҕону Дьокуускайга аҕаллылар

Бэҕэһээ Үөһээ Бүлүү улууһугар клещкэ ытыртарбыт оҕону санитарнай рейс кэлэн илдьэ барбытын туһунан сурах, хомойуох иһин, оруннаах буолла.

Туобуйа сэлиэнньэтин оҕотун реаниматолог-быраас  арыаллаан, Дьокуускай куоракка Оҕо инфекционнай килиниичэскэй балыыһатыгар киллэрдилэр.

Мэдиссиинэ үлэһиттэрэ сайыҥҥы кэмҥэ клещтэн сэрэхтээх буоларга ыҥыраллар. РФ Доруобуйатын харыстабылын чахчытынан, быйыл 288 тыһыынчаттан тахса киһи клещкэ ытыртаран, мэдиссиинэ көмөтүгэр наадыйда. Көмөҕө ордук элбэхтик Свердловскай, Кировскай, Кемеровскай, Иркутскай, Томскай, Тюмень, Новосибирскай уобаластар,  Красноярскай уонна   Пермь кыраайдарын, Удмуртия Өрөспүүбүлүкэтин олохтоохторо наадыйдылар.