Клещкэ ытыртарыы 23 түбэлтэтэ бэлиэтэннэ

Роспотребнадзор дааннайынан, ыам ыйын 15 күнүнээҕи туругунан Саха сиригэр клещкэ ытыртарыы 23 түбэлтэтэ регистрацияламмыт, ол иһигэр оҕолорго — 4: Ленскэйгэ – 8;  Нерюнгрига – 7, о.и. 2 оҕо; Дьокуускай куоракка — 3, о.и. 1 оҕо; Өлүөхүмэҕэ – 3; Алдаҥҥа – 2.

Клещкэ ытыртарбыт 23 киһиттэн 14-гэр серопрофилактика ыытылынна, 5 киһи эрдэ клещ энцефалитыттан быһыы туруортарбыт. Суһал ыстаап дааннайынан, барыта 5389 киһи быһыы ылбыт, ол иһигэр 824 оҕо.

Болҕойуҥ! Өскөтүн клещкэ ытыттардаххытына, үөнү бэйэҕит ыла сатаамаҥ. Тоҕо диэтэххэ, тириигэ кини тумса хаалыан сөп. Суһаллык мэдиссиинэ чугастааҕы тэрилтэтигэр кэлэн, бырааска ыллаттарыахха наада. Ону таһынан эмсэҕэлээбит киһиэхэ, урут быһыы ылбатах буоллаҕына,  хайаан да клещ энцефалитын утары  иммуноглобулин биэрэллэр.