https://pressria.ru
Саха сиригэр кулун тутар 22-24 күннэригэр ыытыллар Климат уларыйыытыгар уонна ирбэт тоҥу харыстааһыҥҥа анаммыт научнай кэмпириэнсийэҕэ анаммыт пресс-кэмпириэнсийэ бүгүн буолла.
Бу научнай кэмпириэнсийэ Арассыыйа 2021-23 сылларга Арктическай сэбиэт бэрэссэдээтэлин быһыытынан ыытар тэрээһиннэрин чэрчитинэн ыҥырыллыбыта.
РФ Бэрэсидьиэнин салалтатыгар Саха сирин бастайааннай бэрэстэбиитэлэ, өрөспүүбүлүкэ бырабыыталыстыбатын бэрэссэдээтэлин бастакы солбуйааччы Андрей Федотов, ирбэт тоҥу чинчийиигэ ананар научнай-практическай кэмпириэнсийэ мантан инньэ икки сылга биирдэ тэриллэр буоларын туһунан сөбүлэҥ түһэрсии былааннанарын туһунан эттэ.
Элбэх ырытыылаах, киэҥ далааһыннаах үлэ буолаары турар. Биһиги өттүбүтүттэн кичэллээх бэлэмнэнии үлэ барда, онон үрдүк таһымнаах тэрээһин буолуо диэн эрэнэбин. Биһиги учуонайдарбыт аан дойду чинчийээччилэрин кытта алтыһыыны тохтоппокко ыыталлар. Онон бу тэрээһиҥҥэ бэрт улахан интэриэс баара көстөр – бу кыһалҕаны чинчийэр 500-кэ араас эспиэрдэр кыттар буоллулар. Олортон аҥаардарын кэриҥэ манна кэлэн кыттар баҕа санаалаахтар. Бу Казахстан, Киргизия, Монголия, Кытай, Индия, Бразилия, АХШ уонна Япония учуонайдара. Геополитикаҕа төһө да уустук кэм үүммүтүн үрдүнэн наука эйгэтигэр алтыһыы, бииргэ үлэлэһии тохтообот. Тоҕо диэтэххэ, учуонайдар бэркэ диэн өйдүүллэр – бэлиитикэ бэлиитикэнэн, ол эрэн климат, дьону барытын долгутар уопсай кыһалҕа.
Арктика Сэбиэтин үрдүкү дуоһунастаах чилиэттэрин Кэмитиэтин бэрэссэдээтэлэ, Арассыыйа ураты сорудахтаах Посола Николай Корчунов Саха сирин дьаһалтатыгар уонна Ил Дархаҥҥа бу Кэмпириэнсийэни көҕүлээн, тэрийбиттэрин иһин махталын биллэрдэ.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…