Хаартыска: Ангелина Васильева
Марфа, Сергей Расторгуевтар ааттарынан Саха циркэтэ үгэс буолбут Саҥа дьыллааҕы «Книга чудес» саҥа испэктээкилин сүрэхтээтэ.
Бу нуучча остуоруйаларыгар олоҕурбут испэктээкил. Манна бааллар — Емеля бэйэтэ сүүрэр оһоҕун кытта, Жар-птица, Змей Горыныч, Дьэгэ Бааба, Кащей Бессмертный, Леший, Снежная Королева, Сэлии оҕото, о.д.а. дьоруойдар.
Бу барыта циркэ ускуустубатын кытта дьүөрэлэһэр. Дьоруойдар бэйэлэрэ — ханаатынан хаамар акробаттар, куупал аннынан көтөр, салгыҥҥа кулахачыйар гимнастар, уотунан оонньуур жонглердар, көрдөөх клоуннар, үҥкүүһүттэр буолан, оруолларын толору арыйан көрдөрөллөр. Бэл, Кащейбыт мээчиктэринэн жонглердуур. Буоларын курдук, көстүүмнэрэ бэрт сиэдэрэй. Горыныч, Сэлии, Леший курдук улахан, хамсыыр уобарастара о5олору сөхтөрдүлэр.
Дрессировщик Мария Жиркова салалтатынан, аттар киирэн, истигэн баҕайытык араас трюктары оҥорбуттара оҕолору олус сэргэхситтэ.
Биллэн турар, дьоруойдар Хаарчаананы быыһыы бараллар, араас мүлчүргэннээх сырыыларга түбэһэллэр.
Антракт кэмигэр артыыстар көрүдүөргэ тахсан, оҕолору үҥкүүлэтэллэр, ыллаталлар, бары хоробуоттууллар. Емеля биир мөһөөххө уһун субурхай саарыктары үрдэрэ охсон, араас кыыллары оҥоро охсон биэртэлээн, үөртэ.
Саҥа дьыллааҕы сынньалаҥҥа оҕолору кытта кэлэн, чаҕылхай испэктээкили көрөн, сэргэхсийэргэ бэртээхэй эбит.
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…
Ханнык баҕарар омук бу сиргэ сиик курдук симэлийэн хаалбатын туһугар, хараҕын харатын кэриэтэ харыстыахтаах сүрүн…
Байыаннай дьайыы ыытыллар сиригэр Саха сирин тирэх пуунун үлэһиттэрэ биир нэдиэлэ иһигэр өрөспүүбүлүкэттэн сылдьар байыаннай…
Сарсын, олунньу 13 күнүгэр, байыаннай дьайыы сиригэр Саха сириттэн үс тиэхиньикэни ыытыы былааннанар. Бу туһунан…
Быйыл ''Чолбон'' литература сурунаала төрүттэммитэ 100 сылын туолар. Бэлиэ түгэни көрсө элбэх тэрээһиннэр былааннаналлар. Олунньу…
Арассыыйа бырабыыталыстыбатын бэрэссэдээтэлин солбуйааччы Александр Новак Уһук Илин уотун тиһигин кэскиллээх сайдыытыгар аналлаах мунньаҕы ыытта.…