Хаартыска: "Айар" кинигэ кыһатын менеджерэ Алена Ефимова. Ааптар түһэриитэ.
Киин куоракка «Азия оҕолоро» Оонньуулар чэрчилэринэн араас култуурунай тэрээһиннэр буола тураллар. Бэс ыйын 27-28 күннэригэр Орджоникидзе болуоссатыгар «Книжный ветер» норуоттар икки ардыларынааҕы кинигэ быыстапка-дьаарбаҥкатыгар 9 издательство бэйэтин бородууксуйатын көрдөрө турар.
«Айар» кинигэ кыһатын менеджерэ Алена Ефимова атыыга саҥа таһаарбыт кинигэлэрин: историк Розалия Бравина «Саха төрүт олоҕо» кинигэтин, саха таҥаһын сэҥээрээччилэргэ «Мужской камзол», ааҕааччыларга «Дьиктилээх сылгы», «Тумаҥҥа симэлийбиттэр» 5 чааһын, Наталья Михалева-Сайа саҥа кинигэтин, Афанасий Федоров «Саха тыалын сиэрэ-туома», «Олохпун салайабын, үтүөнү түстүүбүн», о.д.а. бэртээхэй кинигэлэрин аҕалбыттарын көрдөрдө. «Айар» бородууксуйата кинигэ эрэ буолбатах, сакалааттар, кинигэ быһыылаах бэлэххэ бэриллэр шкатулкалар, остуол оонньуулара, хас биирдии саха ыалыгар баар буолуохтаах оһуордар, онтон да атын.
Санкт-Петербург куораттан «Умная бумага» издательство ыҥырыллан кэлбит. Волонтер Мария Трофимова көмөлөһө сылдьар, издательство бэрэстэбиитэлэ Олег Кесарев үөрэ-көтө бородууксуйаларын — хортуонтан хомуллар оҥоһуктары көрдөрдө. Туох-туох манна суоҕай? Санкт-Петербург, Москва кыраһыабай дьиэлэрин макета, араас борохуоттар, карета, о.д.а. адьас дьиҥнээх курдук көстүүлээхтэр, бу ама хортуонтан оҥоһуллубуттара буолуо дуо диэххэ айылаах. Макеттары кыптыыйа, килиэйэ суох илиигинэн оҥороҕун. Хас биирдии оҥоһук схемалаах. Оҕо тарбаҕын сайыннарарыгар, схеманан оҥоро үөрэнэригэр олус туһалаах эбит диэн көрдүм.
«Русское слово» издательство сүрүннээн оскуола оҕолоругар, учууталларга, төрөппүттэргэ, үөрэх тэрилтэтин салайааччыларыгар туһаайан үлэлиир эбит. «Азбукаттан» саҕалаан Арассыыйа устуоруйатын, нуучча тылын, литературатын саамай аныгы, буруолуу сылдьар учебниктарын босуобуйатыгар тиийэ атыылыыр.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…