Хаартыска: Андрей Сорокин, СИА.
Ил Дархан Айсен Николаев 2024 сыллааҕы үп-хаһаайыстыба үлэтин түмүгүн уонна 2025 сыллааҕы былааннары көрөр сүбэ мунньахха “Колмар” ХБ “Олохтоох каадырдары — бырамыысыланнаска” бырагыраамаҕа укпут кылаатын бэлиэтээтэ.
Кини этэринэн, былырыын хампаанньа тэрилтэлэригэр 769 олохтоох киһи ылыллыбыт, онон олохтоох дьон ылар өлүүскэлэрэ 70% буолбут.
Күн бүгүн “Колмар” тэрилтэлэригэр 7100-тэн тахса киһи үлэлиир. 2025 сылга 200-тэн тахса үлэ миэстэтин эбии таһаарар былааннаахтар. Производствоҕа үлэлиир дьон орто хамнаһа 2024 сылга 171 455 солкуобай этэ, сыллааҕы үрдээһинэ — 13,8%. Кэлэктиибинэй дуогабар быһыытынан 580 мөлүйүөн солкуобай кэриҥэ суумалаах төлөбүрдэр оҥоһуллубуттар.
Өрөспүүбүлүкэ уонна “Колмар” икки ардыларыгар бэйэ-бэйэлэригэр туһалаах партнердуу сыһыаннаһыылар ситиһиилээхтик салҕаныахтара диэн Ил Дархан эрэнэрин итиэннэ чоҕу хостооһуҥҥа ситиһиилэрин иһин махталын биллэрдэ.
“2024 сыллааҕы производственнай былаан туолла, бородууксуйаны таһаарыы хааччылынна, хампаанньа хайа-байытар кэмбинээттэрин кыамтата улаатта”, — диэн бэлиэтээтэ Айсен Николаев.
Таас чоҕу хостооччулар 2024 сылга 13,1 мөлүйүөн туонна чоҕу хостообуттар, оттон быйыл хостооһуну 13,5 мөлүйүөн туоннаҕа диэри улаатыннарар былааннаахтар.
«УК Колмар» ХЭТ генеральнай дириэктэрэ Алексей Волков этэринэн, 2024 сылга чох бородууксуйатын батарыы көрдөрүүлэрэ 1 мөлүйүөн туоннанан улааппыттар.
“Биһиги күн аайы бырамыысыланнай оройуон сайдыытыгар суолталаах уустук боппуруостары быһаарабыт. Чоҕу хостооһуну элбэтиинэн, сиртэн хостонор баай баазатын хааччыйыынан эрэ дьарыктаммаппыт. Оҥорон таһаарыыга уонна үлэҕэ куттал суох буолуутун үрдэтиигэ, сыыппара технологияларын киллэриигэ, каадырдары үөрэтиигэ уонна атын идэҕэ хаттаан бэлэмнээһиҥҥэ үлэлэһэбит», — диэн бэлиэтээтэ Алексей Волков.
“Колмар” эрэгийиэн социальнай-экэнэмиичэскэй сайдыытыгар сүҥкэн кылааты киллэрэр. 2024 сыллааҕы уопсай инвестициятын кээмэйэ 97,1 млрд солк. диэн иһитиннэрэр Ил Дархан, бырабыыталыстыба пресс-сулууспата.
Тыа хаһаайыстыбатын министиэристибэтин үлэһиттэрэ пресс-тур тэрийэн, бэҕэһээ, 20 суруналыыһы уонна блогеры илдьэ Мэҥэ Хаҥалас улууһугар…
Кыһыҥҥы кэмҥэ киһи доруобай, чөл туруктаах буоларыгар, таһыттан киирэр араас дьайыыга эт-хаан утарсыытын күүһүрдэригэр быраастар…
“Биһиги икки кынаттаахпыт, Европа уонна Азия”, – диэн биһиги Бастакы бэрэсидьиэммит Михаил Николаев эппитэ билигин…
Өлүөнэ өрүһү туоруур күргэ бырайыага Арассыыйа бэрэсидьиэнин Владимир Путин өйөбүлүн ылан, концессия услуобуйатыгар тутуллан эрэр.…
Ил Дархан Айсен Николаев Ис дьыала министиэристибэтин гражданнар бырааптарын көмүскээһиҥҥэ, буруйу оҥорууну утары охсуһууга уонна…
Бэҕэһээ суруналыыстар уонна блогердар тыа хаһаайыстыбатын миниистирэ Артем Александров көҕүлээһининэн Мэҥэ Хаҥалас улууһун дьоҕус уонна…