«Колмар» хампаанньа күрэхтэһии түмүгүн таһаарда

Нерюнгрига «Колмар» таас чоҕу хостуур хампаанньа 20 сылыгар анаммыт тэрээһиннэр сарсыарда 8 чаастан саҕаланнылар.

Ол курдук, шахтердар уонна байытааччылар ортолоругар производственнай күрэхтэһии түмүгүн таһааран, кыайыылаахтары үөрүүлээх быһыыга-майгыга наҕараадалаатылар. Кыайыылаахтарга кубогы, харчынан бириэмийэни, бочуотунай грамотаны туттардылар. Кыайыылаах аата ааттаннаҕын аайы ытыс тыаһа хабылынна.

«Денисовскайдааҕы» ГОК дириэктэрин поверхностнай комплекска солбуйааччы Василий Дормидонтов этэринэн, маннык күрэхтэһии дьону үлэҕэ көҕүлүүр. Холобура, быйыл суол уонна көмөлтө учаастагын үлэһиттэрэ  маннык бириэмийэҕэ тигистилэр.

Таас чоҕу хостооһуҥҥа бастыҥ звено, шахта бастыҥ учаастага уо.д.а. үлэһиттэри көҕүлүүллэр.
Ити курдук, үлэһиттэр сүргэлэрин көтөҕөн, үбүлүөйдээх тэрээһиннэр саҕаланнылар.