Хаартыска: СИА
Үрүҥ эһэ оҕолоругар ааты талыы салҕанар. «Роснефть» хампаанньа «ВКонтакте» социальнай ситимин сирэйигэр куоластааһын муус устар 12 күнүгэр диэри буола турар.
Муус устар 10 күнүгэр эбиэт кэннинээҕи туругунан, 4663 киһи куоластаабыт. Лоокуут уонна Ньургуһун (1532 киһи куоластаабыт), Тима уонна Тома (1380 киһи), Вилюй уонна Яна (993 киһи) диэн ааттар хотон иһэллэр.
Куоластааһын иннинэ ким баҕалаах ааттары суруйан ыыппыттарыттан, талан ылбыттара. Күрэс түмүгүн муус устар 13 күнүгэр ВДНХ-ҕа «Роснефть» павильонугар биллэриэхтэрэ. Санатар буоллахха, «Роснефть» хампаанньа «Орто дойду» зоопаркаҕа баар үрүҥ эһэлэри «шефтэһэр», көмөлөһөр.
Саха сирин олохтоохторо үрүҥ эһэ оҕолоро сахалыы ааттаах буолуохтарын баҕараллар. Онтон арҕахтан соторутааҕыта тахсыбыт кырачааннар билиҥҥитэ уулла илик сыа хаарга төкүнүйэ оонньууллар, ийэлэрин үүтүнэн эмсэхтэнэллэр, күннэтэ улааталлар, күүһүрэллэр.
Колымана уонна Ломоносов диэн үрүҥ эһэлэр «Орто дойду» зоопаркаҕа төрөөбүт оҕолоругар ааты таларга сүүһүнэн аат киирбитэ. Ол онтон Вилюй уонна Яна, Лоокуут уонна Ньургуһун, Тима уонна Тома, Эрэл уонна Чолбон, Мир уонна Ника, Руслан уонна Мира, Омолон уонна Анюй, Снежок уонна Снежинка, Туйгун уонна Таптал, Боотур уонна Айкуо диэн ааттары талан, куоластааһыҥҥа таһаарбыттара.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…