Комиссионнай маҕаһыыҥҥа уорууну арыйдылар

ИДьМ пресс-сулууспата иһитиннэрбитинэн, Дьокуускай куорат 2-с №-дээх полиция салаатын дьуһуурунай чааһыгар комиссионнай маҕаһыын бэрэстэбиитэлэ уоруу тахсыбытын туһунан үҥсүбүт.

Ол курдук, маҕаһыынтан икки кыһыл көмүс биһилэх уонна сыапачыка сүппүттэр. Суһал-көрдөөһүн үлэ түмүгүнэн холуобунай ирдэбил үлэһиттэрэ 19 саастаах маҕаһыын үлэһитин  туппуттар. Уорбаланааччы атыы-эргиэн саалатыгар соҕотох хаалбытынан туһанан маҕаһыын долбууруттан көмүс оҥоһуктары уорбут. Уорбут малын кини комиссионнай маҕаһыын атын филиалыгар туттарбыт. Ылбыт харчытын тус наадаларыгар туттубут.

Арассыыйа Федерациятын холуобунай кодексатын 158 ыст.2 ч.»Уоруу» диэнинэн холуобунай дьыала тэриллибит.