РФ бэрэсидьиэнин пресс-сулууспата
Дойдубут Аҕа баһылыга Владимир Путин бэс ыйын 27 күнүгэр Конго Өрөспүүбүлүкэтин бэрэсидьиэнин Дени Сассу-Нгессоны кытары Москваҕа көрүстэ. Былырыын Конго бэрэсидьиэнэ “Арассыыйа-Африка” улахан саммитыгар кэлэ сылдьыбыта.
Арассыыйа уонна Конго доҕордуу сыһыаны олохтоон, бииргэ үлэлэспиттэрэ 60 сыл буолла. Дени Сассу-Нгессо көрсүһүү кэмигэр Москваҕа өссө Сэбиэскэй Сойуус саҕана кэлэ сылдьыбытын бэлиэтээтэ.
— Москваҕа мин өссө Сэбиэскэй Сойуус саҕаттан сылдьабын. Быйыл биһиги дойдуларбыт бииргэ үлэлэспиттэрэ 60 сылын туолар. Бу этэргэ эрэ дөбөҥ эрээри, кылгаһа суох кэм. Арассыыйа Африка дойдуларыгар куруутун көмө-тирэх буола олорор. Биһиги уустук кэммитигэр санаабытыгар санаа, күүспүтүгэр күүс эппитэ. Онон, түгэнинэн туһанан, Конго Өрөспүүбүлүкэтин уонна Африка бары дойдуларын ааттарыттан махталбын тиэрдиэхпин баҕарабын, — диэн эттэ.
Конго бэрэсидьиэнэ этэринэн, арҕааҥҥы дойдулар Арассыыйаҕа киллэрбит араас хааччахтара сокуоннайа суох. Уонна уустук кэмҥэ доҕордуу сыһыаннаах дойдулар бэйэ-бэйэлэригэр көмөлөсүһэллэрэ наада.
— Арассыыйаҕа Укриананан сибээстээн араас хааччаҕы киллэрэ тураллар. Мин санаабар, бу хайа да өттүнэн сокуоннайа суох. Ол да буоллар Арассыыйа дьоно-сэргэтэ иннитин диэки дьулуһан баран иһэр. Бу – эр санаалаах норуот бэлиэтэ. Уустук кэмҥэ бэйэ-бэйэҕэ тирэх буолар наада. Онон биһиги дойдуларбыт билигин саҥа таһымҥа тахсалларыгар биир кэрдиис кэм диэн көрөбүн, — диэн бэлиэтиир бэрэсидьиэн.
Владимир Путин Арассыыйа уонна Конго билигин араас эйгэҕэ барытынан үлэлэһэ олороллорун, Дели Сассу-Нгессо норуоттар доҕордоһууларыгар, судаарыстыбалар доҕордоһууларыгар элбэх кылааты киллэрсибитин бэлиэтээтэ.
— Конго “Арассыыйа уонна Африка” саммитыгар иккитэ кытынна. Бэрэсидьиэн быһыытынан дойдуларбыт сайдыыларыгар үгүһү оҥордугут. Бэлиитикэ да өттүгэр, экэниэмикэлэри сайыннарыы да өттүгэр, — диэн бэлиэтиир Владимир Владимирович.
Өймөкөөн улууһугар айылҕа алдьатыылаах халаана олохтоохторго улахан хоромньуну аҕалла. [gallery ids="229247,229246,229245,229244,229243,229242,229241"] СӨ Гражданскай оборона дьыалаларын…
Hh.ru онлайн-рекрутинг аналитиктара Саха сиригэр ханнык хайысхаҕа үлэлиир исписэлиистэр саамай үрдүк хамнаһы аахсалларын быһаардылар. Бу…
Өймөкөөҥҥө үс бөһүөлэк, ол иһигэр Хара Тумул уонна Биэрэк Үрдэ бүтүннүү ууга барда диэн СӨ…
Академик Наталья Бехтерева үс сүбэтэ: 1. Олох тэтимин бытаардымаҥ. Кырдьыы эмиэ олох салгыыта буолар. Онон…
СӨ баһылыга Айсен Николаев РФ тырааныспарка миниистирин Андрей Никитины кытары көрүстэ. Бу туһунан СӨ Баһылыгын…
От ыйын 12-15 күннэригэр Дьокуускайга байыастар таҥастарын тигиигэ "Стежка за стежкой, метр за метром" өрөспүүбүлүкэтээҕи…