Координационнай киин үлэһиттэрэ байыаннай госпиталларга эмп, мэдиссиинэ тэрилин ыыттылар

Өрөспүүбүлүкэтээҕи координационнай киин үлэһиттэрэ Луганскайдааҕы байыаннай бөдөҥ госпиталга эмп-томп хомуйан ыыттылар. Манна байыаннай дьайыыга бааһырбыт байыастар эмтэнэллэр.

Араас эми кытта эпэрээссийэлэри оҥорор олус наадалаах тэриллэрин хомуйан ыыттылар.

Саха сирэ А.А. Вишневскай аатынан байыаннай килиниичэскэй госпиталы, Н.Н. Бурденко аатынан госпиталы уонна  Ростов-на-Дону куоракка баар Оборуона министиэристибэтин байыаннай госпиталыгар сөбүлэҥҥэ олоҕуран көмөлөһөр, волонтердар үлэлииллэр.

Ил Дархан Айсен Николаев сорудаҕынан 2022 сыл сэтинньититтэн онно быраастар биригээдэлэрэ үлэлээтилэр.