Координационнай кииҥҥэ күн устата 50 киһи билиннэ

Бүгүҥҥү күҥҥэ Координационнай кииҥҥэ 50 киһи билиннэ диэн брифинг кэмигэр СӨ Киһи быраабыгар боломуочуйалааҕа Сардаана Гурьева иһитиннэрдэ.

Кини этэринэн, гражданнар 507-363 диэн суһал линияҕа ордук эрийэллэр эбит. Дьону отсрочка ылыы уонна хомуурга ыҥырыы долгутар.

Сардаана Гурьева бүгүн быстах кэмҥэ олорор пууҥҥа сырытта. Манна быраастар үлэлииллэр. Мобилизацияламмыт дьон мэдиссиинэ өҥөтүн туһанар, быраас консультациятын ылар уонна көрдөрүнэр кыахтаахтар. Сарсын пууҥҥа өрөспүүбүлүкэ байыаннай борокуруора сылдьыаҕа.

Дьоҕус мобилизациянан бүтүн федеральнай 122 диэн суһал линия үлэлиирин санатан суруйабыт.