Координатордар байыаннай дьайыы бэтэрээнин оҕотугар көмөлөстүлэр

Байыаннай дьайыы бэтэрээннэригэр уонна кинилэр дьиэ кэргэттэригэр тиһигин быспакка көмө оҥоһуллар. Бу туһунан «Аҕа дойдуну көмүскээчилэр» пуонда филиала иһитиннэрэр.

Бу күннэргэ байыаннай дьайыы кыттыылааҕын оҕото Дьокуускай куорат координаторыгар үрдүк үөрэххэ киирэригэр көмөлөһөрүгэр көрдөстө. Социальнай координатор уол босхо юридическай консультацияны ыларыгар көмөлөстө. Ол түмүгэр военкоматтан наадалаах ыспыраапка тиийбэтэ быһаарыллан, онно ирдэбил ыытылынна. Уол байыаннай дьайыы кыттыылаахтарыгар уонна кинилэр дьиэ кэргэттэригэр сокуонунан көрүллэр быраабынан университекка устудьуон быһыытынан киирдэ.

«Аҕа дойдуну көмүскээчилэр» пуонда Саха сиринээҕи филиалын үлэһиттэрин көмөтүнэн байыаннай дьайыы бэтэрээнин оҕотугар үөрэххэ киириигэ көмө бу хаһыс даҕаны түгэнэ. Социальнай координатордар көмөлөһөргө мэлдьи бэлэмнэр.

Санатан эттэххэ, «Аҕа дойдуну көмүскээчилэр» пуонда филиала Дьокуускай куорат Ойуунускай уулуссатын, 41/1 дьиэтигэр баар. Төлөпүөннэрэ: 8 (4112) 506-506.