Коркин кэриэһигэр ыытыллар турнир – оҕолорго босхо

СӨ физическэй култууратын уонна успуордун миниистирэ Леонид Спиридонов бэлиэтээбитинэн, Саха АССР, РСФСР уонна ССРС үтүөлээх тириэньэрэ Дмитрий Петрович Коркин кэриэһигэр ыытыллар көҥүл тустууга норуоттар икки ардыларынааҕы турнирга киирии 18-гар диэри саастаах оскуола үөрэнээччилэригэр босхо.  

“Оскуола үөрэнээччилэрин ортолоругар успуорду,  көҥүл тустууну киэҥник тарҕатар инниттэн норуоттар икки ардыларынааҕы тэрийэр кэмитиэт оҕолору күрэхтэһиигэ босхо киллэрэргэ быһаарыы ылынна. Бу эдэр “ыалдьааччыларга” уонна спортсменнарга үчүгэй бэлэҕинэн буолар дии саныыбын. Ону таһынан, билиэт атыытыттан киирбит үп сорох чааһа анал байыаннай эпэрээссийэҕэ хомуурга ыҥырыллыбыттарга көмө быһыытынан барыаҕа”, — диэн Леонид Спиридонов иһитиннэрдэ.

Санатан эттэххэ, күрэхтэһии алтынньы 28-29 күннэригэр “Триумф” спортсменнары бэлэмниир кииҥҥэ буолуоҕа. Турнир бастакы күнүгэр билиэт сыаната – 500 солк., иккис күнүгэр –700 солк. Билиэти csp-sakha.ru саайтан уонна “Триумф” киинтэн кэлэн атыылаһыаххытын сөп.

СӨ спортсменнары бэлэмниир киинин пресс-сулууспата.