Коркин турнира: Алексей Копылов Саха сирин хамаандатыгар бастакы мэтээли аҕалла

Бу күннэргэ Дьокуускайга улуу тириэньэр Дмитрий Петрович Коркин төрөөбүтэ 95 сылынан көҥүл тустууга турнир буола турар.  Саха сирин сүүмэрдэммит хамаандатыгар Алексей Копылов бастакы мэтээли аҕалла.

57 киилэҕэ диэри ыйааһыҥҥа Алексей Копылов боруонса мэтээл хаһаайынынан буолла. Кини утарсааччыта эмиэ Саха сирин хамаандатын тустууга Уйгулаан Иванов эчэйии ылан көбүөргэ тахсыбата.

Санатан суруйдахха, турнир финалыгар Саха сириттэн Виктор Рассадин, Константин Капрынов, Роман Николаев уонна Ньургун Сергин тустуохтара. Финаллааҕы хапсыһыылар бүгүн киэһэ 18:00 чаастан саҕаланыахтара.