Алтынньы 28-29 күннэригэр Дьокуускайга «Өрөгөй» успуорка бэлэмнэнии киинигэр аатырбыт тириэньэр Дмитрий Коркин кэриэһигэр норуоттар икки ардыларынааҕы турнир ыытыллыаҕа. Бастыҥнар ааттарын иһин Арассыыйа араас эрэгийиэннэриттэн уонна араас дойдулартан — Арменияттан, Белоруссияттан, Ирантан, Казахстантан, Кубаттан, Кыргызстантан, Македонияттан, Монголияттан, Таджикистантан барыта 150 спортсмен күрэхтэһиэҕэ.
Аан дойду түһүлгэлэрин чаҕылхай тустууктара күрэхтэһиини киэргэтиэхтэрэ. Ол курдук, Магомедхабиб Кадимагомедов, Заурбек Сидаков, Исраил Касумов, Разамбек Жамалов, Абасгаджи Магомедов, Загир Шахиев, Шамиль Мамедов, Анзор Закуев, Евгений Жербаев уо.д.а. Коркин турнирын кыһыл көмүс мэтээлин иһин илин-кэлин түсүһүөхтэрэ.
Оттон Саха сирин сүүмэрдэммит хамаандатыгар 85 бөҕөс киирдэ. Сүрүн тириэньэр Александр Оконешников күрэхтэһии иннинэ маннык эппитэ:
— Коркин турнирыгар лидердэрбит: бырааттыы Копыловтар, Ньургун Сергин, Никита Хабаров уо.д.а. бары кыттыахтара. Онтон сүрүн киһибит Виктор Рассадины бары билэҕит, Арассыыйа чөмпүйэнээтин кэнниттэн атаҕар эчэйии ылан, тута эпэрээссийэлэнэн, билигин көбүөргэ үлэтин саҥа саҕалаата. Кини сүрүн соруга – тохсунньу ыйга ыытыллар Иван Ярыгин аатынан турнирга ситиһиилээхтик кыттыы буолар. Бэйэбит дьиэбитигэр-уоппутугар ыытыллар күрэхтэһиигэ эдэрдэр эмиэ кыттыахтара. Кинилэр манна туста үөрэниэхтэрин наада. Күрэхтэһии аҕыйаҕынан сибээстээн, хааччахтааһын суох. Ол барыта кинилэргэ туһалаах буолуо дии саныыбын.
Күрэхтэһиигэ билиэттэр csp-sakha.ru саайтка уонна «Өрөгөй» киин каассатыгар атыыланаллар: күрэхтэһиилэр — 500 солкуобай, финаллааҕы күрэхтэһиилэр — 700 солкуобай. 18 сааһыгар диэри оҕолорго киирии — босхо.
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…
Бүгүн, балаҕан ыйын 16 күнүгэр, өрөспүүбүлүкэ арҕаа өттүгэр, Өлүөнэ аллараа тардыытынан ардах, инчэҕэй хаар түһүөҕэ.…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…