Хаартыска «Биир ньыгыл Арассыыйа» баартыйа Саха сиринээҕи салаатыттан
«Коробка храбрости» аахсыйа чэрчитинэн хомуллубут оонньуурдар Т.П. Дмитриева аатынан Өрөспүүбүлүкэтээҕи оҕо сэллигин эмтиир санаторийга туттарылыннылар. Бу туһунан «Биир ньыгыл Арассыыйа» баартыйа Саха сиринээҕи салаата иһитиннэрэр.
Оонньуурдары туттарыыга «Единая страна – доступная среда» федеральнай баартыйа бырайыагын эрэгийиэннээҕи координатора Степанида Артахинова уонна «Биир ньыгыл Арассыыйа» баартыйа уопсастыбаннай өйөбүл ыстаабын актыбыыстара кытыннылар.
«Быйыл «Биир ньыгыл Арассыыйа» баартыйаны өйөөччүлэр Саха сиринээҕи сэбиэтин көмөтүнэн өр кэмҥэ балыыһаҕа эмтэнэр оҕолорго оонньуурдары хомуйар үтүө үгэһи салҕаатыбыт. Бу баартыйа хамсааһына сылын аайы анал көрүүгэ наадыйар оҕолору өйүүргэ көмөлөһөр. Дьон-сэргэ болҕомтолоро уонна кыттыылара бу оҕолорго эмтэнии ыарахаттарын тулуйарга уонна түргэнник үтүөрэргэ эрэллээх буолалларыгар көмөлөһөр дии саныыбыт», — диэн эттэ Степанида Артахинова.
«Коробка храбрости» аахсыйаны «Биир ньыгыл Арассыыйа» баартыйаны өйөөччүлэр Саха сиринээҕи сэбиэтэ 2019 сылтан ыытар. «Биир ньыгыл Арассыыйа» баартыйа активистара аахсыйаны өйөөбүт бары дьоҥҥо-сэргэҕэ махтаналлар.
Бүгүн, тохсунньу 23 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата араас…
Хой Кыһыҥҥы тымныылар санааҕын баттыыллар. Сылайаҕын, нуктаан, сытан ылыаххын саныыгын. Сэниэҥ тиийбэт. Санаа баттыгыттан босхолонуоххун…
Бүгүн, тохсунньу 23 күнүгэр, өрөспүүбүлүкэ илин, соҕуруулуу-илин өттүгэр кыралаан, соҕуруу оройуоннарга уонна Халымаҕа хаар сөбүгэр…
2026 сылтан босхо чинчийиилэр бырагыраамалара кэҥээтэ. Холобур, дьахталлар киһи папилломатын вируһугар, оттон 45-тэн үөһээ саастаах…
«Олох инфраструктурата» нацбырайыак олоххо киириитинэн, 2025 сылга Саха сиригэр эрэгийиэннээҕи уонна нэһилиэктэр икки ардыларынааҕы суолларга…
Алдан куорат олохтооҕо интэриниэт ситимигэр экстремистскэй дьайыыны оҥорорго анаан-минээн ыҥырыылары таһаарбытын уонна тарҕаппытын иһин сууттанна.…