Коронавируһу утары оҕолорго бэриллэр саҥа вакцина айылынна

Гамалеи аатынан вирустары чинчийэр киин 6-11 саастаах оҕолорго анаммыт коронавируһу утары саҥа вакцинаны регистрациялатарга докумуоннары туттарда. Бу туһунан чинчийэр киин салайааччыта Александр Гинзбург биллэрдэ. Саҥа препарат «Гам-КОВИД-Вак-Д» диэн ааттаныаҕа, былчыҥҥа иккитэ бэриллэр укуолтан турар.

Вакцинаны 2022 сыл устата коронавируһунан эрдэ ыалдьыбатах 6-11 саастаах оҕолорго тургутан көрбүттэр. Тургутуу иннинэ оҕолор төрөппүттэрин кытта үс күн харантыыҥҥа олорбуттара.

Бу иннинэ Арассыыйаҕа 12-17 саастаах оҕолорго анаммыт «Спутник-М» эмп реестрыгар киирбитэ. Бу вакцинаны 15 сааһын ситэ илик оҕоҕо төрөппүт эбэтэр сокуонунан бэрэстэбиитэл көҥүлүнэн эрэ бэриллэр. 15 сааһыттан оҕо вакцинаны ыларын бэйэтэ быһаарар бырааптанар.