Коронавирус «Пирола» көрүҥэ тарҕанан эрэр

Саха сиригэр коронавируска сутуллуу элбээбит. Күннэтэ  10-15 киһи ыалдьар буолбут.

СИА-ҕа доруобуйа харыстабылын министиэристибэтин кылаабынай  эпидемиолога  Марианна Данилова иһитиннэрбитинэн, эрэгийиэҥҥэ омикрон саҥа көрүҥэ «Пирола» баар.

Ааспыт нэдиэлэҕэ коронавируска сутуллуу 91 түбэлтэтэ бэлиэтэммит. 12 киһи  госпитализацияламмыт, үс киһи өлбүт.

«Билигин өрөспүүбүлүкэҕэ   COVID-19 штамма омикрон «Пирола» баар. Коронавирус саҥа көрүҥүн сибикилэрэ урукку коронавирустарга майгынныыр: сөтөл, тумуу, күөмэй ыалдьыыта, үрдүк температура курдук ыарыы биллиитэ», – диэн быраас СИА-ҕа кэпсээтэ.