Коронавирус саҥа долгунуттан сылтаан дистанционнай үөрэххэ көһүү туһунан сымыйа сурах тарҕанна

Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай үөрэххэ көһүөхтэрин сөбүн туһунан иһитиннэрии тарҕанна.
СӨ Үөрэҕин министиэристибэтэ балаһыанньаны быһаарда. «СӨ Үөрэҕин уонна билимин министиэристибэтин уопсай үөрэхтээһин, иитии уонна эбии үөрэхтээһин эйгэтигэр судаарыстыбаннай бэлиитикэ департамена иһитиннэрбитинэн, маннык информация киирбэтэх», – диэн Үөрэх министиэристибэтиттэн быһаардылар. Бу иннинэ Арассыыйаҕа «Стратус» штаммынан сүһүрүү түбэлтэтэ элбии турарын туһунан ЯСИА иһитиннэрбитэ.
Коронавирус «Стратус» диэн көрүҥэ чэпчэкитик ааһарынан уратылаах, сибикилэрэ көннөрү ОРВИ-га майгынныыллар. Уратыта диэн ыалдьыбыт дьон куоластара сүтэр, онтон 1-2-с күнүнэн чөлүгэр түһэр.
Сообщить об опечатке
Текст, который будет отправлен нашим редакторам: