Коронавирустан 112 киһи үтүөрдэ

Роспотребнадзор Саха сиринээҕи управлениета иһитиннэрбитинэн, кэнники хонукка балыыһаҕа 12 киһи киирбитэ, 71 киһи ыалдьыбыта бэлиэтэнэр. Ыалдьыбыт дьонтон Дьокуускайга — 80,3%, улуустарга — 19,7% буолара ыйыллар. Оттон 112 киһи үтүөрбүт.

Бүгүҥҥү иһитиннэриинэн балыыһаҕа 15,1% киһи эмтэнэр, тастан эмтэнээччитэ — 84,9%.

Өрөспүүбүлүкэ лабораторияларыгар ааспыт хонукка 1 802 анаалыс, пандемия саҕаланыаҕыттан 2 808 336 тест бэрэбиэркэлэммит.

Коронавируһу утары быһыы бастакы компоненын 724 980 киһи ылбыт. 197 230 киһи ревакцинацияламмыт.

Өрөспүүбүлүкэтээҕи суһал ыстаап иһитиннэрбитинэн, колл-киин «122» нүөмэригэр кэнники хонукка 1 683 төлөпүөннээбиттэр. Маны таһынан, доруобуйа харыстабылын министиэристибэтин «суһал лиинийэтигэр» 68 эрийбиттэр.

СӨ Ил Дарханын уонна Бырабыыталыстыбатын пресс-сулууспата