Коронавирустан 115 киһи үтүөрдэ

Роспотребнадзор Саха сиринээҕи управлениета иһитиннэрбитинэн, кэнники хонукка 125 киһи коронавирустаабыт, балыыһаҕа 13 киһи киирбит. 115 киһи үтүөрбүт.

Ыалдьыбыт дьонтон 46,4% — Дьокуускайга, 53,6% — улуустарга буолара чопчуламмыт.

Бүгүҥҥү иһитиннэриинэн, балыыһаҕа 10,3% киһи эмтэнэр, тастан эмтэнээччи 89,7% буолара бэлиэтэнэр.

Өрөспүүбүлүкэ лабораторияларыгар ааспыт хонукка 1 665 анаалыс, пандемия саҕаланыаҕыттан 2 779 024 тест бэрэбиэркэлэммит.

Коронавируһу утары быһыы бастакы компоненын 719 758 киһи ылбыта ыйыллар. 196 233 киһи ревакцинацияламмыт.

СӨ суһал ыстаап иһитиннэрбитинэн, колл-киин «122» нүөмэригэр 1 192 киһи төлөпүөннээбит. Маны таһынан доруобуйа харыстабылын «суһал лиинийэтигэр» 40 эрийбиттэр.

СӨ Ил Дарханын уонна Бырабыыталыстыбатын пресс-сулууспата