Коронавирустан 155 үтүөрдэ

Роспотребнадзор Саха сиринээҕи салаата иһитиннэрбитинэн,  117 киһи ыалдьыбыт, 15 киһи балыыһаҕа киирбит. Мантан 34,2% — Дьокуускайга, 65,8% — улуустарга буолара ыйыллар. Үтүөрбүт киһи ахсаана — 155.

Бүгүҥҥү туругунан, ыалдьыбыт дьонтон балыыһаҕа — 11,2% киһи эмтэнэр, тастан эмтэнээччитэ — 88,8%.

Өрөспүүбүлүкэ лабораторияларыгар 385 анаалыс, пандемия саҕаланыаҕыттан 2 781 346 тест бэрэбиэркэлэммит.

Коронавируһу бохсууга үлэлэһэр суһал ыстаап иһитиннэрбитинэн, колл-киин «122» нүөмэригэр 2 006 төлөпүөннээбиттэр. Маны таһынан, доруобуйа харыстабылын «суһал лиинһийэтигэр» уон иккитэ эрийбиттэр.

СӨ Ил Дарханын уонна Бырабыыталыстыбатын пресс-сулууспата