Коронавирустан 25 киһи үтүөрдэ

Роспотребнадзор Саха сиринээҕи управлениета иһитиннэрбитинэн, кэнники хонукка 77 киһи коронавирустаабыт, 13 киһи балыыһаҕа киирбит. Оттон 25 киһи үтүөрбүт. Ыалдьыбыт дьонтон 50,6% — Дьокуускайга, 49,4% — улуустарга буолара быһаарыллыбыт.

Балыыһаларга — 10,4%, тастан — 89,6% киһи  эмтэнэрэ ыйыллар.

Ааспыт хонукка өрөспүүбүлүкэ лабораторияларыгар 1 687 анаалыс, пандемия саҕаланыаҕыттан 2 770 020 тест бэрэбиэркэлэммит.

Коронавируһу утары быһыы бастакы компоненын 719 265 киһи, 196 134 киһи ревакцинацияламмыт. Коронавируһу бохсууга үлэлэһэр суһал ыстаап иһитиннэрбитинэн, колл-киин «122» нүөмэригэр кэнники хонукка 1 110, доруобуйа харыстабылын «суһал лиинийэтигэр» 54  төлөпүөнүнэн эрийбиттэр.

СӨ Ил Дарханын уонна Бырабыыталыстыбатын пресс-сулууспата