Коронавирустан 43 киһи үтүөрдэ

Роспотребнадзор Саха сиринээҕи салаата иһитиннэрбитинэн, кэнники хонукка коронавирустан 43 киһи үтүөрбүт, 39 киһи ыалдьыбыт. Балыыһаҕа алта киһи киирбит. Ыалдьыбыт дьонтон 51,3% — Дьокуускайга, 48,7% — улуустарга буолара ыйыллар.

Бүгүҥҥү иһитиннэриинэн, ыалдьыбыттартан балыыһаҕа 17,2% эмтэнэр, тастан — 82,8%.

Өрөспүүбүлүкэ лабораторияларыгар 1 683 анаалыс, пандемия саҕаланыаҕыттан 2 751 986 тест бэрэбиэркэлэммит.

Коронавируһу утары быһыы бастакы компоненын 716 751 киһи ылбыт. Оттон 195 614 киһи ревакцинацияламмыт.

Өрөспүүбүлүкэтээҕи суһал ыстаап иһитиннэрбитинэн, колл-кииҥҥэ «122» нүөмэргэ 1 117 төлөпүөннээбиттэр. Маны таһынан доруобуйа харыстабылын «суһал лиинийэтигэр» 59 төлөпүөнүнэн эрийбиттэрэ этиллэр.

СӨ Ил Дарханын уонна Барыбаатыластыбатын пресс-сулууспата