Коронавирустан 50 киһи үтүөрдэ

Роспотребнадзор Саха сиринээҕи салаата иһитиннэрбитинэн, кэнники хонукка балыыһаҕа 7 киһи киирбит. 41 киһи коронавирустаабыта чопчуламмыт. Ыалдьыбыт дьонтон Дьокуускайга — 58,5%, улуустарга — 41,5% киһи буолара бэлиэтэнэр. Оттон 50 киһи үтүөрбүт.

Бүгүҥҥү күҥҥэ бигэргэтиллэринэн, балыыһаҕа 15,4% киһи эмтэнэ сылдьар. Тастан эмтэнээччи — 84,6%.

Өрөспүүбүлүкэ лабораторияларыгар ааспыт хонукка 1 487 анаалыс, пандемия саҕаланыаҕыттан 2 745 984 тест бэрэбиэркэлэммит.

Коронавируһу утары быһыы бастакы компоненын 715 532 киһи ылбыт, 195 319 киһи ревакцинацияламмыт.

Коронавируһу бохсууга үлэлэһэр өрөспүүбүлүкэтээҕи суһал ыстаап иһитиннэрэрбитинэн, колл-киин «122» нүөмэригэр кэнники хонукка төлөпүөнүнэн 1 021 эрийбиттэр. Ону таһынан доруобуйа харыстабылын «суһал лииньийэтигэр» 37 төлөпүөннээбиттэр.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата