Коронавирустан 70 киһи үтүөрбүт

Роспотребнадзор Саха сиринээҕи салаата иһитиннэрбитинэн, кэнники хонукка 88 киһи ыалдьыбыта бэлиэтэммит. Оттон биэс киһи балыыһаҕа киирбит. Ыалдьыбыт дьонтон 47,7% — Дьокуускайга, 52,3% — улуустарга буолара быһаарыллыбыт. Оттон 70 киһи үтүөрбүт.

Бүгүҥҥү иһитиннэриинэн, балыыһаҕа уопсайа 12,8% киһи эмтэнэр. Тастан эмтэнээччи — 87,2%.

Өрөспүүбүлүкэ лабораторияларыгар 370 анаалыһы бэрэбиэркэлээбиттэр. Коронавируһу утары быһыы бастакы компоненын 726 027 киһи ылбыт. 197 469 киһи ревакцинацияламмыт.

Колл-киин «122» нүөмэригэр кэнники хонукка 278 төлөпүөнүнэн эрийбиттэр. Маны таһынан Доруобуйа харыстабылын «суһал лиинийэтигэр» 28 төлөпүөннээбиттэр.

СӨ Ил Дарханын уонна Бырабыыталыстабытан пресс-сулууспата