Коронавирустан 77 киһи үтүөрбүт

Коронавирустан кэнники хонукка 77 киһи үтүөрбүт.

Оттон 11 киһи балыыһаҕа киирбит. 165 киһи ыалдьыбыт. Итинтэн  83,6% — Дьокуускайга, 16,4% — улуустарга буолара чопчуламмыт диэн Роспотребнадзор Саха сиринээҕи салаата иһитиннэрэр.

Бүгүҥҥү күн туругунан, балыыһаҕа 8,6% киһи эмтэнэр. Тастан — 91,4%.

Өрөспүүбүлүкэ лабораторияларыгар кэнники хонукка 3 547 анаалыс, пандемия саҕаланыаҕыттан 2 686 424 тест бэрэбиэркэлэммит.

Коронавируһу утары быһыы бастакы компоненын 703 733 киһи ылбыт, 192 191 киһи ревакцинацияламмыт.

Коронавируһу бохсууга үлэлэһэр өрөспүүбүлүкэтээҕи суһал ыстаап иһитиннэрбитинэн, колл-кииҥҥэ «122» нүөмэргэ 1 401, доруобуйа харыстабылын «суһал лиинийэтигэр» 57 төлөпүөннээбиттэр.