Коронавирустан 80 киһи үтүөрдэ

Коронавирустан кэнники хонукка 80 киһи үтүөрбүт. Оттон 57 киһи ыалдьыбыт. Бу туһунан Роспотребнадзор Саха сиринээҕи салаата иһитиннэрэр.

Тоҕус киһи балыыһаҕа киирбит. Ыалдьыбыт дьонтон 50,9% — Дьокуускайга, 49,1% — улуустарга буолара ыйыллар. Бүгүҥҥү иһитиннэриинэн, балыыһаҕа 14,3% киһи эмтэнэр. Тастан эмтэнээччи – 85,7%.

Ааспыт хонукка өрөспүүбүлүкэ лабораторияларыгар 696 анаалыс, пандемия саҕаланыаҕыттан 2 702 980 тест бэрэбиэркэлэммит. Коронавируһу утары быһыы бастакы компоненын 706 258 киһи ылбыт. 192 881 киһи ревакцинацияламмыт.

Коронавируһу бохсууга үлэлэһэр СӨ суһал ыстааба иһитиннэрбитинэн, колл-киин «122» нүөмэригэр кэнники хонукка 1 205 төлөпүөнүнэн эрийбиттэр. Маны сэргэ, доруобуйа харыстабылын «суһал лиинийэтигэр» сэттэтэ эрийбиттэр.