Коронавирустан 96 киһи үтүөрдэ

Роспотребнадзор Саха сиринээҕи управлениета иһитиннэрбитинэн, кэнники хонукка 81 киһи коронавирустаабыт. Тоҕус киһи балыыһаҕа киирбит. Ыалдьыбыт дьонтон 74,1% — Дьокуускайга, 25,9% — улуустарга буолара чопчуламмыт.

Бүгүҥҥү күн чахчытынан, балыыһаҕа — 15,3% киһи эмтэнэр, тастан — 84,7%.

Өрөспүүбүлүкэ лабораторияларыгар ааспыт хонукка 1 501 анаалыс, пандемия саҕаланыаҕыттан 2 802 017 тест бэрэбиэркэлэммит.

Коронавируһу утары быһыыны 723 745 киһи ылбыт. 196 943 киһи ревакцинацияламмыт.

Өрөспүүбүлүкэтээҕи суһал ыстаап иһитиннэрэринэн, колл-киин «122» нүөмэригэр 1 501 төлөпүөннээбиттэр. Маны сэргэ, доруобуйа харыстабылын «суһал лиинийэтигэр» 51 төлөпүөнүнэн эрийбиттэр.

СӨ Ил Дарханын уонна Бырабыыталыстыбатын пресс-сулууспата