Косметика маҕаһыыныттан духууну уорбут

Арассыыйа ИДьМ-тын Дьокуускайдааҕы 2-с №-дээх полициятын отделыгар косметика уонна парфюмерия маҕаһыынын бэрэстэбиитэлэ 2,5 тыһыынчаттан тахса суумалаах табаары уорбуттарын туһунан иһитиннэриини киллэрбит.

Суһал-силиэстийэлиир үлэлэр түмүктэринэн холуобунай ирдэбил үлэһиттэрэ Уус Алдан улууһуттан төрүттээх, урут уорууга түбэһэн сууттаммыт 47 саастаах киһи уорбутун быһаардылар.

Полиция буруйдаах киһи косметика маҕаһыыныгар уорар санаалаах киирбитин быһаарбыт. Витриналар икки ардыларынан хаама сылдьан уоруохтаах табаарын көрдөөбүт. Ол кэнниттэн кини кууркатын сиэбигэр икки духууну укутубут уонна маҕаһыынтан түргэнник тахсан барбыт. Уорбаланааччы уоруллубут малларын уулуссаҕа тахсан атыылыыр, киирбит харчытынан арыгы атыылаһар былааннаах эбит.

Киниэхэ РФ Холуобунай кодексатын 158 ыстатыйатын 1 чааһынан («Уоруу») холуобунай дьыала тэрилиннэ.