Хаартыска: Е.Кривошапкина тиксэриитэ
Юрий Алексеевич Гагарин аатынан култуура киинигэр өрөспүүбүлүкэ оҕолорун космонавтика тиэмэтигэр уруһуйдарын күрэһин түмүгэ таһаарылынна.
Итиэннэ «Путь во вселенную открыт» диэн уруһуйдьут Свет. И. Космонавтика күнүгэр куйаар тиэмэтигэр уруһуйдаабыт үлэлэрин быыстапката үөрүүлээх быһыыга аһылынна. Бу быыстапка Алексей Леонов космос куйаарыгар (вне корабля) бастакынан тахсыбыта 60 сылыгар ананна.
Светлана Васильевна Иванова ХИФУ юридическай факультетын доцена, историческай наука кандидата. Бэйэтин иллэҥ кэмигэр араас хайысханан уруһуйдуурун сөбүлүүр. Быыстапкаҕа туруорбут үлэлэрин хас биирдиитин туһунан кэпсээн сэҥээриини тарта. Бу уруһуйдарга бэйэтин икки сиэнин уонна кыыһын куйаары көрүүлэригэр киллэрбитэ сонуннук көһүннэ.
Светлана Иванова киирии тылыгар Ю.А. Гагарин аатынан култуура киинигэр туох сыһыаннааҕын кэпсээтэ. Аҕата Василий Трофимович Тарасов сэбиэскэй кэмҥэ Саха сиринээҕи гражданскай авиация управлениетыгар начаалынньыгы политическай-иитэр үлэҕэ солбуйааччынан үлэлииригэр «киһи үлэнэн эрэ олорбот» диэн санаанан салайтаран авиатордар сынньалаҥнарын тэрийиигэ элбэхтик үлэлэспитэ. Авиатордар «Северная трасса» диэн хаһыаттарын таһаарыыга, Ю. Гагарин аатынан култуура киинигэр уус-уран кэлэктииптэр тэриллэн элбэх куонкурустарга кытталларыгар болҕомтотун уурбута.
Бу күн кини Авиация түмэлигэр хас да хаартысканы бэлэхтээтэ. Ол иһигэр космонавт Борис Егоров 1973 сыллаахха Саха сиригэр кэлэ сылдьыытыгар, аҕата Василий Трофимович арыаллаан сылдьыбыт кэмигэр түһэриллибит, космонавт Борис Егоров илии баттааһыннах хаартысканы бэлэх уунна. Манна даҕатан эттэххэ, Борис Борисович Егоров космонавтика историятыгар бастакынан атын, быраас идэлээх киһи көппүтэ.
Быыстапка муус устар 11 күнүттэн 29 күнүгэр диэри үлэлиир, тиийэн көрөн дуоһуйууну ылыаххыт диэн эрэнэбин.
Енгелина Кривошапкина, сэҥээрээччи
Хаартыскалар: ааптар тиксэриилэрэ
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…
Бүгүн Креативнай индустрия кэллиэһигэр Аҕа дойду тас өттүгэр ытык иэстэрин толорбут интернационалист буойуттар күннэригэр уонна…
РИА-Новости иһитиннэрэринэн, Санкт-Петербург куоракка эбсийээнэ уоспатынан ыалдьыы икки түбэлтэтэ бэлиэтэммит. Уобаластааҕы Роспотребнадзор чахчыларынан, Таиланд Королевствотыттан…
ИДьМ Чурапчытааҕы салаатын дьуһуурунай чааһыгар түөкүннээһиҥҥэ түбэспит киһиттэн сайабылыанньа киирбит. Ол курдук эр киһи саппаас…
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…