Космоска Саха сирин уонна Бүлүү куоратын гербэлэрэ ойуулаах аракыата көтүөҕэ

2024 сыл ахсынньы 25 күнүгэр «Союз2.1б» аракыата-носитель «Байконур» космодромуттан Саха Өрөспүүбүлүкэтин уонна Бүлүү куоратын гербэлэрэ ойуулаах, ону тэҥэ куорат 390 сылыгар анаммыт эбии бэлиэлээх көтүөҕэ. Бу туһунан «Роскосмос» госкорпорация иһитиннэрэр.

Бүлүү улууһун баһылыга Сергей Винокуров бу этии Роскосмоска Бүлүү олохтоохторун аатыттан ыытыллыбытын эттэ.

«Роскосмос биһиги көҕүлээһиммитин өйөөбүтүттэн үөрэбит. Маннык этиилэр атын куораттартан эмиэ киирбиттэрэ, ону куонкурус түмүгүнэн Саха сирин уонна Бүлүү куоратын гербэлэрэ уруһуйдаммыт ракета ыытыллара быһаарыллыбыта«,— диэтэ кини.
Сергей Винокуров «Роскосмос» госкорпорация тэрилтэ уонна Бүлүү оройуонун икки ардыларыгар түһэрсиллибит сөбүлэһиинэн үлэ ыытылларын бэлиэтээтэ. Ол курдук, I Күүлэт уонна Үгүлээт нэһилиэктэригэр саҥа оскуолалар тутуллубуттара. Онно «Тыа сирин сирдэрин-уоттарын кэлимник сайыннарыы» судаарыстыбаннай бырагыраамаҕа Роскосмос муниципалитет аатыттан кыттыгас үбүлээбитэ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата